الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

احمي طفلك من التحرش

احمي طفلك من التحرش

ازاى تحمي ابنك من التحرش
#الحماية بيد الله عز وجل ودايما احافظ علي الاذكار واقولها واخلي ابني يرددها ورايا

#العلاقة القوية بطفلك (يعني زودي رصيد الثقة والاحترام )
صاحبيه يحكيلك ويكلمك ويقولك ع كل حاجة مضايقاه حتى لو غلط زودي الثقة واحترميه انه لو غلط افصلي بين غلطه وبين حبك ليه يعني انا بحبك انت بس سلوك مش حلو ومش بحبه

#علميه الخصوصية (يغير هدومه والباب مقفول محدش يكون قصاده ومحدش يقرب منه والا يلمسه بشكل محتلف )

#انتقي الاشخاص ال في محيط الطفل بمعني اننا ناخد بالنا مين بيعامل اولادنا وموثوق فيهم

#الملاحظة الدقيقة يعني تلاحظي سلوك الطفل المختلف ال طارىء عليه بسبب ايه واربطي الامور ببعض وخصوصا من سنتين ل 5 سنين

#ارشادات صريحة متتكلمش مع حد متعرفهوش لو انت لوحدك والا تروح مع حد في مكان غريب

#ربي طفل ناقد يعني يفرق بين السلبيات والايجابيات وده بيتبني بانك تشاركيه الرأى ودايما تقوليلوا ايه رأيك ف ده ؟ طب ده صح والا غلط ؟ طيب نحط الحاجة دي هنا والا لا ؟ طب ليه اخترت دي
ممكن نعملها ف الكرتون يتفرج ع فيلم كرتون ونقولوا اتفرج عليه وركز عليها وايه الصح ال بيحصل في الفيلم وايه الحاجات الغلط

نعمل سلوك سلبي ادامه وبعدين نقوله ازاى تسكت ع الموقف ال عملته ليه مقولتليش انه غلط انا بختبرك حتى لو انا ماما قولى غلط يامام

#طفل قوي بدنيا ونفسيا
الطفل القوي نفسيا عارف هو عاوز ايه ومش عاوز ايه ويقدر يفرق في التعامل مع الاخر حقه ال ليه وال عليه
الطفل القوي بدنيا يعني عاملة نظام صحي للطفل ابتعدي تماما عن المواد الحافظة واهتمي بالرياضة رياضة تنمي العضلات ورياضة دفاعية يقدر يدافع عن نفسه

#نفهمه الفرق بين الكلمة الحلوة وال مش حلوة والنظرة الحلوة وال مش حلوة والنظرة الطيبة والشريرى اللمسة الحلوة واللمسة ال مش حلوة و لو حد لمسنا لمسة مش حلوة يكون رد فعلنا ازاى
#احمي_ابنك_من_التحرش
#استشارات_تربوية
#سارة_حسين_للتدريب_والاستشارات

أخبار ذات صلة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©