الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

الاستشارات الشخصية

الاستشارات الشخصية
الاستشارات الشخصية
 
يعني ايه ؟؟
يعني طريقة كلامك وثقتك بنفسك وطريقة تفكيرك
ورؤيتك للحياة
مش فاهمة وضحي اكتر
يعني قيمك وشغفك ونمط شخصيتك ونقاط الضعف والمخاوف والقوة
اسفة بجد الكلام بيتعقد اكتر طيب ده ايه
هقولك ياست البنات
احنا احيانا كتير بيكون لينا علامات استفهام كبيرة بسبب ردورد افعالنا ا و مشاعرنا
وبنبقي محتاجين نفهم احنا ليه كدة
او العكس ساعات بتكوني شايفة نفسك سليمة وزي الفل ومعندكيش اي مشكلة في نفسك
لكن مشكلتك ف كل اللي حواليكي هما ليه بقوا كدة
وهنعمل زي السندريلا في فيلم صغيرة علي الحب
وهنقولك عشان هما كدة وتعالي نحكيلك حدودته
بس المرة دي مش حدودة العصفور والبندق
لا هتكون حواديت الشخصيات وانوعهم وانماطهم وطريقة كل واحد فيهم
 
ده هيساعدك جدااااا انك تقدري تعرفي نفسك
 
طيب انا ممكن اقرا كتاب واعرف منها كل ده او احضر كورس
هقولك سؤالك ف الجوووووون
بس الفكرة ان الاستشارة الشخصية هتوفر عليكي كل ده
بمعني انك ممكن تستفيدي ب 500 كتاب و20 كورس و مليون نصيحة
خلال الساعة بتاعة الاستشارة الشخصية
هتقدري تتكلمي بكل اللي جواكي مهما كانت خصوصيته وهنقدر نلمس اللي محتاجين نشتغل عليه بسهولة
هتقدري تعرفي نفسك اسرع وبعدها تقدري تعرفي اللي حواليكي
هنعمل خطة خاصة بيكي انت يعني تفصيل مفصلة مخصصة بالسينيوريتة
 
 
اها طيب مفهمتش ايه الشغف والقيم دي
واضح انك شطورة
تصرفاتنا ناتجة عن افكارنا وافكارنا ناتجة عن مشاعرنا
بصي هي حاجة كدة شبه البيضة ولا الفرخة عشان نوضح اكتر ان الافكار دي عبارة عن مجموعة من القيم الاساسية ف حياتنا واللي هي بتكون محرك قوي لينا ولتصرفاتنا
زي اللي اهم قيمة عنده الحرية او الحب او العطاء او التعلم او الطموح …..الخ
هيختلف تصرفاته زي اهم قيمة عنده السلام الداخلي و الحساسية او الصحة او المتعة
 
ده كمان هيوضح تصرفات كتير
والمخاوف ونقاط القوة والضعف نفس الحكاية
 
الشغف بقا ده حكايته حكاية
يعني الحاجة اللي مهما اخدت من وقتك وفلوسك وصحتك وحياتك عاوز تكون فيها مهما كلفك الامر
الحاجة اللي مهما اخدت فيها كورسات او سمعت عنها فيديوهات او قريت مقالات عاوز تتعمق اكتر
الحاجة اللي بتلمع عينك وانت بتتكلم عنها وبتنور وانت بتعملها
 
الاستشارات الشخصية هتقدر تساعدك ف كل ده
 

أخبار ذات صلة


    Deprecated: WP_Query أستدعيت بواسطة مُعطى مهجور منذ النسخة 3.1.0! caller_get_posts قد تم هجره. استخدم ignore_sticky_posts كبديل. in /home/sarahussien/public_html/wp-includes/functions.php on line 4997

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©