الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

الحب وحده ميكفيش

الحب وحده ميكفيش

الحب وحده ميكفيش
عشان نختار شريك حياتنا ال هنكمل معاه باقي عمرنا لازم يكون فيه معايير مختلفة غير الحب لا تقولى حبيتها من اول نظره ولا تقوليلي بحبه يابابا !!! الحب مهم ايوة بس فيه التفكير والمعتقدات والاراء والنظرة العامة والخاصة للحياة
نفهم ايه اولوياته ايه اهدافه ايه خططه ال عايش عليها ؟؟؟

نفهم اكتر ايه شغله والطبقة الاجتماعية ال بيحتك بيها وهل بتأثر عليه والا مجرد شغل لكن هوايته وهدفه حاجة مختلفة ؟؟
ونتنقل لحاجة مهمة جدا وهي احتياجات الطرف التاني واحتياجاتك انت شخصياً
يعني الاحتياجات الروحية
عامل ايه ف علاقته بربنا وايه طريقته وطقوسه في عبادته لله
الاحتياجات الجسدية
الرياضة واللياقة والاكل والنضافة
الاحتياجات العاطفية
بيقول كلام رومانسي والا بالنسباله دى هيافة والمعاملات والمواقف والتصرفات اهم
الجنس بالنسباله عشان الحمل والاولاد وبس والا عاطفة وحب واشتياق
الاحتياجات الاجتماعية
الاصدقاء والمظهر واللباقة والثقافة
ماشين في نفس المعدل والا انت في الشرق وهو في الغرب
الاحتياجات المادية
المادة بالنسبالة غاية والا وسيلة من اهم الحاجات ال في حياته والا شىء تكاملى للحياة
بخيل والا كريم والا حريص وانت ايه في الواجهة التانية ؟؟؟
الاحتياجات الاسرية
العلاقة بينه وبين اهله والدته واخته واخوه او حد من قرايبه فيه صداقة قوية بيحكي كل حاجة لحد معين والا مجرد صلة رحم وسؤال عام لكن حياته مستقلة دي نقطة مهمة جدااا وبيحصل من وراها مشاكل كبيرة
الاحتياجات العملية
طموح ونشط وعملي والاهداف من اولويات حياته والا اجتماعي والجو الاسرى عنده اهم من اى حاجة
ده بجانب اختلاف الشخصيات ونمط الشخصية لازم تكون موجودة ف الاعتبار والشخصيات عند الازمات وقت غضبه بيكون ايه وهتقبل ده والا لا
والاهم من كل ده
عاوز يتجوز ليه ؟؟؟ وايه دافع الزواج ده ؟
يتجوز عشان ميكنش لوحده والا عشان ميتقلش عنس والا عشان يجيب عيل والامومة او الابوة مفعولها قوي عنده والا عشان جزء ديني ويعف نفسه والا مادة وطمع في الطرف التاني
الارتباط والزواج مش حب بس لا ده حاجات كتير فوق بعضها ولازم نعمل حسابها كويس اوي عشان ده اهم واكبر مشروع في حياة الانسان ونتيجته اطفال هما ال بيتحمله كل الخسائر وبينتج عنه مجتمع غير سوي

فكر كويس اوي قبل ماتختار ولما تختار اعرف اننا مختلفين عن بعض ومش هتلاقي حد معمول عمولة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©