الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

الخطوبة

الخطوبة

الخطوبة والزغاريط والفرح والشبكة وطبعا عيون مفتوحة ليكي مبرووووك عليكي عريسك ياعروسة

الخطوبة فرحة كل بنت ويمكن بتفرح بكل الحبشتكنات دي اكتر من عريسها نفسه واحيانا بتكون عشان ماتسمعش كلمة

(اييييه لسه مفيش حاجة د هوانا ادك كان معايا سمر وحنان وعتريس بيجري كدة قصادي )

والمقولة المشهورة عاوزين نفرح بيكي …. كأنهم سابوا الدنيا كلها ومسكوا ف فرحتها هي ووقفت عليها

البنت نفسها تتخطب وبعدين تستني من حبيبها انه يعمل كل حاااااااااااااااجة واحيانا بيكون خطيبها معرفة قديمة وفترة مع بعض بس لما كانوا مع بعض

قبل الخطوبة حاجة وبعدها حاجة تانية

قبلها : بيكون حب منه واهتمام وعمل تطوعي ياااا يعمل يااااميعملش

 لو اتصل تجري تكلمه برقة ولو خرج مع اصحابه ماشي ياحبيبي المهم تاخد بالك من نفسك …. الخ

بعدها : واجب امن قومي لازم واجبار وحق من الحقوق العليا انه يسأل ويهتم ويحب ويجيب هدية وياميش رمضان والفانوس والعدية والعيد ……. الخ .

ولو معمل شده الزن ع الودان يشتغل (انت مابتحبنيش , عاوزة احس انى مخطوبة , انت مابتسألش عني ,  انت ع طول مع صحابك ومش بتخرجني , انت ع طول زعلان ومش بتقولي السبب , ليييييييييييييه )

الولد يتخنق من خطيبته ومن الخطوبة ومن اليوم ال فكر فيه يخطب ويراجع نفسه ويفكر يفشكل ويرجع حب من بعيد ومن قريب من غير خطوبة .

البنت انتي اكسجين الحياة والولد هو الامان  والاساس المتين …. يعني ايه الكلام ده

يعني هو الجدار والاساس القوى ال بيتبني عليه البيت وانتى بعد كدة كل حاجة تانية الهوا والمية والنور والغاز J

لازم توفريله كل راحته عشان يقدر يحميكي بأمانه وراحته هتكون ع حسب شخصيته واحنا لينا انماط وانواع شخصيات كتير

واى علاقة ناجحة بيكون ليها مفتوح ومفتاح العلاقة الناجحة معرفة الشخصية ال معاكي

هترتاحي لانك هتكوني فاهمة انه هو كدة … دي ردود فعل طبيعية ليه

هتستوعبي ده والخلافات هتقل … نصيحة لكل بنت افهمي شخصية خطيبك الاول قبل ماتعتبي وتزعلي وتفركشي خطوبتك

استنوني ف المقال الجاى هقولكم فيها انماط الشخصيات وكل نمط ازاى تتعملى معاه صح

الكلام ال فات ده بالنسبة للبنت

اما الولد بقااااا

صياد ماهر بيحب يتفنن ف صيد حبيبته (الصيد هنا لا تقليل من شأن البنت والا الولد ده مجرد مصطلح )

بيجهز كل اسلحته ويسهر ومينمش ويفكر ويحاول ويجرب ويستحمل ويسمع ويقرب ويبعد لحد ما يتأكد ان الفريسة دي

هو محتاجها ولحد ما يقدر يصتطدها فعلا والصيد هنا انه يتأكد انها حبيته.

قبل الخطوبة : يسمعلها , يحب فيها , يقربلها , يسال عن يومها عن ال مضايقها عن ال بتحبه ,

يجبلها هداية ويتصل الف مرة ورسايل بعد كل مكالمة تصدقي وحشتيني ويفتكر عيد ميلادها ….. الخ

بعد الخطوبة : بيحس انها ملكية خاصة مينفعش حد يقربلها والا تقرب لحد ومن حقه كل حاجة تلبس ايه ومتلبسش ايه وتعمل ايه ومتعملش ايه

ده مش كل الشخصيات بس معظمها وقبل ماتنزل تعرفه وهو يقرر يااه ياالا

ولما تكلمه ايوة ماشي طيب اوك تمام معل شانا ف الشغل انا مضغوط انتى مدلعة ومش حاسة بيا …. الخ

البنت ايها الشاب المغوار بتحب تكون محور اهتمام حبيبها مش ملكية خاصة مركونة للتحكم ,

راعي عاطفتها وراعي حبها وراعي انها بتكون محتاجة تحس باحتواءك ليها وده عمره ماهيكون ف التصرفات ال بتكون بعد الخطوبة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©