الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

بتدور علي الحب يبقي مكانك هنا

بتدور علي الحب يبقي مكانك هنا

محدش فينا مش بيد ور علي الحب

كلنا جوانا الاحتياج للحب والحضن والطبطبة والكلمة الحلوة

عاوزين نسمع اننا اهم حد في حياة شخص معين

عاوزين نشوف احلي نظرة واننا مختلفين جوة عيونه

عاوزين نعيش قصص الحب والغرام والمسلسلات التركي والافلام الهندي

 

بس يااما بنجذب لحياتنا عكس اللي عاوزينه او بنجذب لحياتنا اللي بنتعلق بيهم جدا لدرجة اننا ممكن نيجي علي نفسنا

 

 

طيب وايه الحل ؟؟

اولا لو عاوز فعلا تتحب كويس جدا

حب نفسك هتتحب

يعني ايه احب نفسي لا طبعا لازم اجي ع نفسي عشان اللي حواليا يكونوا احسن

يبقي عمرك ماهتتحب

 

انت مراية للي قصادك علي حسب ماشايف نفسك وتقديرك لنفسك وتعاملك لنفسك اللي قدامك هيعاملوك زي معاملتك لنفسك

فكرت مرة انت شكلك ايه ؟ ايه الحلو اللي فيك ؟ بتحب في نفسك ؟بتحب نفسك اصلا ؟

متقبل فيها ايه ؟ طيب ايه اللي مش متقبله ؟

 

عمرك فكرت انت محتاج ايه ؟ وهل بتشبع انت احتاجات دي ولا دايما بتدور علي حد يشبعهالك

عمرك قولت لنفسك بحبك يانفسي ومتقبلك كلك علي بعضك بحلوك ومرك بطولك وعرضك =D

 

طيب نقط ضعفك شايفها ازاي ؟ بتقاوم احتياجاتك ولا سايبها تاخد وقتها وتروح

 

احنا اللي مش بنحب نفسنا فبنلاقي اللي مش بيحبونا ويدوسوا علينا ويظهروا اسوأ مافينا

 

جرب تحب نفسك وتطبطب عليها وتتقبلها وتشوفها بجد

هتلاقي اللي يحبك ويطيبطب عليك ويشوفك بجد

مش هترضي لنفسك الاهانة والعلاقات المؤذية

مش هتقبل باللي ياخدك لعبة في حياته وقت مايحب يقربلك وقت مايحب يبعدك

مش هتوافق انك تكون ضحية لشخص بيتغذي ع مشاعرك واعصابك

مش هترتاح لما تدي تدي تدي وبس واللي ادامك مش بيديك اي حاجة

العلاقات الصحية مكسب ومكسب اخد وعطا مش بس تدي ولا بس تاخد

 

الموضوع مش سهل يعني مش زي انا مش قصيرة وازعه انا طويل واهبل هتلاقي نفسك بتحبك

 

لا ده محتاج تمارين وتكنيك معين بس انوي انت بس هتلاقي كل حاجة بتجيلك لحد عندك

او تشوف مختص يقدر ساعد

حب نفسك الناس والدنيا كلها هتحبك

#دمتم_في_حب_ورضا_وسلام

#سارة_حسين

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©