الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

بنت و ولد

بنت و ولد

البنت و الولد

بالنسبة للبنت والولد والمعاملة بينهم في الاسرة مفيش حاجة في الدين بتدل علي التميز بينهم لا في

احاديث شريفة والا في ايات قرآنية

العدل بينهم هو المطلوب وهو ال بيتم بينهم كعقاب وحساب كسيئات وحسنات كعلم وعمل مفيش حاجة اسمها اصللك انتى بنت وهو اخوكي الكبير لازم يربيكي .. علي اى اساس يربيها اذا كان هو اصلا احيانا بيكون محتاج يتربي اكتر منها وممكن تكون اكثر منه ثقافة وعلم … بس ازااااى عيب ميصحش ده اخوكي يابت اوكـــ اخويا علي عيني وعلي راسي احترمه واقدره والاحترام يكون متبادل لكن ميكونش واصي عليا في تصرفاتي وحركاتي واني لما اغلط يكون يقيم هو الحد عليا بما انه ماشاء الله نفس الاخطاء او اكتر بيعملها … بس عادي هو راااااجل

ايه ف القرآن والسنة يدل ان الخطأ مباح للرجل ومش مباح للمرأة؟؟؟

بالنسبة بقا الفرحة الشديدة بخلفة الولاد عن البنات …. اموت واعرف السبب

حديث عن الرسول ( عليه افضل الصلاة والسلام بتقول خيركم من بشر بأنثي )

حاجة غريبة والله دايما ناخد من دينا ال يعجبنا ونفهمه بمزاجنا ونسيب ال ميعجبناش

 ودايما الراجل متدين وعارف كتاب الله ف آيتين تلاتةالرجال قوامون عن النساء

مثني وثلاث ورباع

طيب افهموهم الاول قبل ماتتكلموا

ماعلينا نرجع بقا للام وهي طبعا ليها جزء كبير جدا من الموضوع ده بس لا حرام منظلمهاش احيانا بتكون ضحية اب مستبد لو مجبتليش الوااد هطلقك كأأن الواد هيكون مصباح علاء الدين السحري لما يجيلوا هيحققلوا المعجزات السبع احيانا بيكون نقمة وبرده البنت احيانا بتكون نقمة يعني الاتنين ممكن يكونوا نفس الشىء

بس في التربية لازم يكون بينهم عدل مينفعش التفرقة بينهموعَنْ أَنَسٍ، أَنَّ رَجُل كَانَ جَالِسًا مَعَ النَّبِيِّ صلى الله عليه وسلم ، فَجَاءَ بُنَيٌّ لَهُ، «فَأَخَذَهُ فَقَبَّلَهُ وَأَجْلَسَهُ فِي حَجْرِهِ، ثُمَّ جَاءَتْ بُنَيَّةٌ لَهُ، فَأَخَذَهَا وَأَجْلَسَهَا إِلَى جَنْبِهِ، فَقَالَالنَّبِيُّ صلى الله عليه وسلم : » فَمَا عَدَلَتْ بَيْنَهُمَا

ياريت نغير تفكيرنا في النقطة دي اتمنى من كل اب وكل ام التربية الصح سواء كانت بنت او ولد الاتنين هيكونوا ثمار لبذرة تزرعوها بضمير ترعهوا صح تدوها كل حاجة حلوة عندكم هيكونوا حاجة تتفخروا بيهم يساندوكم في الدنيا يرفعوا درجاتكم في الجنة ياريت بلاش الظلم ونعدل مابينا دى مؤسستكم ودولتكم الصغري

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©