الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

حب مختلف

حب مختلف

حب مختلف

كتير اتمنينا نحب ونعيش قصص حب
حبينا واتحبينا بأشكال مختلفة وانواع حب كتير ونسميها باسامي اكتر

ف الاخر بننجرح من الحب

وتدريجيا ينزل فبيكون معتمد اعتماد كبير ع التنوع والاختراع والابداع عشان الاحساس يفضل زى ماكان اول مرة

اما بننجح او بنفشل يابتكون حياة مملة او روتينية

لما بنحب بنتمني نكون دايما مع ال بنحبه … نسمع صوته نكلمه بنشتاقله
نتمني نكون بين ايديه فى احضانه … بنجهز اووووى لمقابلته
لو اتصل نجرى نرد بلهفة وشوق ونسيب كل ال ف ايدينا وميمنعناش منه غير حاجة فوق ارادتنا
بس ممكن نعتذر ونقول معلش هكلمك شوية او برسالة (بحبك ومشغول غصب عني هكلمك لما اخلص )
يعني ف الاخر بيكون ف بالنا وبيكون في اعتبار وقيمة ليه

بنغير ع الحب ده وبيكون امتلاك منطقة خطر ممنوع الاقتراب من ال بنحبه

نجيب هدايا نلبي احتياجات نعتذر نقرب نبعد نشوف هنتعامل ازاى معاه
نقرى شخصيته برجه نمط اسلوبه عشان نقدر نكمل في سعادة وحب
نصحي في عز الليل نتهامس بالاصوات عشان احساس خاص بين الاحباب بيكون ف الوقت ده
ونزعل اووووووووووى لو اى فرصة جت ومكناش مع ال بنحبه

انا تمنيت اعيش الحب ده <3
بس دلوقتى بتمني اعيش حب مختلف

حب الله عز وجل

بتمني اصحي في عز الليل اتوضى واسجد بين اديه اناجيه واهمس بالل اتمناه واكلمه احمده واشكره ع نعمه وع كل حـــــــــــــاجة حواليا

بتمني اول مااسمع اذانه ,,, اجري والبي نداه واقابله واكون مع الله عز وجل

بتمني اقرب منه بشريعته وسنة رسوله وادور دايما ع ايه ال بيحبه واعمله

بتمني ابعد عن كل حاجة بتخليني اضعف واعصيه ونفسي الامارة بالسوء تصبح مطمئنة

بتمني اكون صالحة واصلح في الارض واكون سبب لصلاح ناس كتير فى حياتها ودينها ودنياها

بتمني دايما اذكره ويكون حياتي لوجهه الكريم ,,,, بتمني احبه بجد مش مجرد كلمة بقولها (احبك_ربي)

بتمني اعيش حب مختلف

انت بتتمني ايه ؟؟؟؟

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©