الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

تنفس بعمق

تنفس بعمق

لما تحس بتعب جداااا من مرض يفضل معشش جوااااك

لا قادر تتنفس ولا تاكل ولا تنام والا تحس بطعم الايام
والحمد لله تشفي من مرضك وترجعلك حيويتك
وابتسامتك وروحك من تاني
ترجع تحس بطعم حياتك

وده تحسه ازااااااااااااى ؟؟؟!!!!

تعالي ادام البحر اتأمله اوى وركز فيه …. افتكر انه شكله هادي
لكن من جواااااه عالم تاني … حياة مليانة موت وميلاد
استنشق الهوا مع شكل السما وصوت الموج … ركز تاني جوااااك انت
عالم مليان ماضي وحاضر ميت ومستقبل مش واضح

مليان حبيب فارق واحلام مابين الحياة والموت
ولحظات حلوة بتتمنى رجوعها … وحاجات كتير جواك موجوعة
مليانة تمني واحلام وروح مش قادرة تنام
دور كمااااااااااااان
هتلاقي نفسك مشوش صوت عالي ونفس هادي
مشاكل وعجز … احباط ووحدة رغم الالاف الحاجات

حبيب مطلع عنيك … وناس مخبطة فيك
وشغل مش موجود .. وفلوس ع اضيق الحدود

وموهبتك مرفوضة او مش موجودة

دور كمان هتلاقي اكتر واكتر

بس انت دور

خلاص دورت ,,, تعالي بقا بورقة وقلم

اكتب فيها (حبيب فات ده ماااااااات ,,, جرح جوايا كمان ده مااااااات ,,, سلبيات كتير كام دى ماااااتت ,,, ناس بعيدة وحاجات غريبة كله ماااات ) استنشق اوووووى خلي الهوا يملي صدرك وجسمك

اتنفس بقوة واقطع الورقة وانت بتقطعها كله بيخرج مع الزفير ال خااااارج من جواك

نضف جواك نقي نفسك …. خلاص قطعت الورقة طيرها حتة حتة
وهي بتطير خلي كل ال جواك يطير معاها

اتنفس كمان وكمان وكمان دخل هوا نضيف بأأأمل جديد
وامشى كتير ع اد متقدر وانت ماشي فكر ف بكرة وقول لنفسك انك هتقدر

#صدقنى_هتخف_من_كل_امراضك
بس اعملها بيقين ان ربنا كبير وقادر ع كل شىء

بس انت انوي واختار وابتدي اتغير

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©