النهاردة كنت فى دار المسنين يوم روعة اتكلمت مع ٣ اشخاص بس واحد منهم كان فيه

بساطة ورضا وبشاشة ابتسامته مش بتفارق وشه هو شاااعر
فاكر اول قصيدة كتبها لحبيبته نادية كان عنده ساعتها ١٧ سنة
الحب
لسه فاكر لما كان بيستناها ادام المدرسة ،،، وبيدخلوا سينما افلام لفريد الاطرش
وياخدو فلوكة ف البحر والورد ال جبهولها والمشي ع الكورنيش
لسة فاكر كل حاجة عن حبيبته
سألته : انت لسة بتحبها لحد دلوقتى
قال: ايوة رغم انى انجوزت وخلفت وبئيت جد بس عمري مانستها والا نسيت القصيدة ال كتبتهالها

المشاعر ملهاش عمر بتعشش جوانا ومابتروحش طول ماهى في فترة التعليق
لكن لو اتنقلت لمرحلة الاستكشاف واكتشفوا عيوب بعض ودخلوا ف الالتزام بتتحول المشاعر الافلاطونية لمشاعر واقعية قابلة للموت او الاستمراية
ودى بتتوقف علي تصرفات وافعال الاتنين

مااروع الحب مشاعر واحاسيس هي من تجعل للحياة حياة

بجد سعيدة جدااا انى اتعرفت بالشاعر الجميل عبد الموجود خليفة
زمن الحب الجميل

بعدسة إسلام البيطار