الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

سابتني عشان مش بقدرها

سابتني عشان مش بقدرها

كنت خاطب بنت
وحبيتها جدا
وطبعا انتي عارفه اي حاجه في قولها حلوه
المهم اتفقنا انا وهي اننا نقف قدام اي حاجه وكده يعني
مكنتش بخليها نفسها في اي حاجه خالص وكنت بقدر اي ظروف بتمر بيها مع مامتها
كان علي طول في مشاكل مع بعض خصوصا ان الاب منفصل
وكان نفسها ربنا يقربلنا البعيد علي خير عشان ترتاح
مكنتش بتطلب مني حاجه غير لما كنت بعملهالها
ومكنتش وحش معاها خااالص
وكنت احن خلق الله عليها
كنا هنتجوز كمان شهرين من دلوقتي
احنا انفصالنا
ومبقيتش علي اي حاجه من اللي بينا
ولا اكن كان في حاجه بينا
ذي ما يكون كانت مستنيا يحصل حاجه ونبعد
عارفه ايه السبب
اني كنت مش بقدرها
عارفه ايه التقدير اللي كانت بتتكلم عنه
ان لما كانت بتتخانق مع امها كنت باخدها يوم عند سرحان ونلعب جيمز ونروح
ويوم
ندخل سينما ونطلع نروح عند كباب المصري
ويوم نروح نقعد علي كافيه ونطلب اكل من بره وكان كل حاجه بينا فيها صور
وكنا مبسوطين علي طول
عارفه ايه قلت التقدير في كده

اني كنت لما بشوفها زعلانه بخرجها من اللي هي فيه
مكنتش بسيبها براحتها لما تفك مع نفسها
ايه رايك في قله التقدير بتاعتي
هو ده السبب اللي قالته
ولما مقتنعتش ودورت علي سبب غيره ملاقيتش
احنا الموضوع انتهي تماما
والخطوبه اتفشكلت
وبلا راجعا
ومامتها عملت معايا مشكله
عشان الموضوع يخلص
قوليلي بقي انا غلط في ايه

اكيد الموضوع ليه عوارض تانية متراكمة
مش ف يوم وليلة مش منطقي لازم اسمع منها مينفعش من طرف واحد
الناس مش كلهم واحد فيه شخصيات كتير مختلفة فيه انواع وفيه انماط وفيه صفات بتتكون ع حسب تربيتنا واحنا صغيرين والمشاكل ال بنمر بيها مش شرط لانك كنت بتعمل كدة معاها انك سوبر مان بالنسبالها والفتى الرومانسي ال محصلش فهتتمسك بيك وعمرها ماهتسيبك (انا مش بقلل منك) بس توضيح لكلامي فيه بنت ممكن تحب الولد ال دايما بيزعق ويشخط وممكن يعاقب ويقولها لا واسمع الكلام ال يعني شايفاه كدة (حمش ) ده بيرجع لتربيتها ف البداية ف اسرتها باباها كان ازاى فاتكون عندها الرجل ازاى كفكر ف عقلها الباطن وف بنت تانية الرجل بالنسبالها حنية وتفاهم وخروج وانه يراضيها حتى لو جه ع نفسه عشان كدة بقولك عاوزة اسمع منها اعرف نمط ونوع شخصيتها ومفهوم الرجل عندها ايه المشكلة كمان ان باباها ومامتها منفصلين ده معناه ان ف خلل عندها ف مفهوم الرجل والحب والاستقرار فهتلاقيها متقلبة جدا غير انها متغييرة ومختلفة وساعات خايفة من الارتباط تخاف من الفشل تخاف من البعد وانك هتسبها زى ماحصل معاها وهي صغيرة فبتلاقي تصرفات غريبة ومش مفهومة هي ليه بتععمل كدة بيكون خوف من الارتباط نتيجة لخوف من الفشل والانفصال فبتكون ف النهاية هي ال تنفصل عنك بمزاجها وكامل ارادتها النفسية والعقلية عشا متتجرحش وتتصدم انك انت ال سبتها
اما باانك عاوز تنساها فده لازم حضرتك تغيير افكارك معتقداتك ذكرياتك يعني اي حاجة تخصها تشيلها من ادامك ومتفكرش فيها كل مااتيجي ف تفكيرك تبدلها باافكار تانية تحاول انك تتعرف ع ناس جديدة بلاش دور الضحية وتقول عملتلها كل حاجة وسابتني عشان متجيش ليك بعد كدة كل ال يسيبوك قانون الجذب اننا بنجذب ع حسب افكارنا وال بنشوف نفسنا بيه لازم تغييير ال جواك كفكرة وكنظرة لنفسك
حدد صفات صفات صفات مش شخصية معينة وحاول دايما تفكر ف الصفات دى كاانسانة ارتبط بيها وعايش معاها حياة سعيدة

أخبار ذات صلة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©