الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

صاحبتي

صاحبتي

انا دائمه الخناقه مع صاحبتي

ودايما هي السبب

بسبب تصرفتها بس للاسف

انا حبتها ومش عايزه اسبها

ا بس هي ع طول السبب في ان حالتي النفسيه تبقي وحشه

ودا بيأثر ع مذاكرتي

واهلي بتخانق معاهم ع طول

الانسان بيمر بمراحل حب مختلفة

(1-7) حب الوالدين

(7-14 ) حب الاهل

(14_21) حب الاصدقاء

انتٍ بتمرى بمرحلة حب الاصدقاء بيكون تأثير اصحابك عليكى قوى جدا

بتتأثرى بوجودهم بكلامهم … بأرائهم بطريقتهم معاكي

بقربهم منك وبعدهم عنك .

لكن المشكلة لو سبتي نفسك مدموجة معاهم نسخه منسوخه

خلي عندك شخصية … ماتتعلقيش بحد

ايوة صداقة بس مش لدرجة انك تكوني رموت كونترول في ايديها

هي بتتكبر عليكي … بتبينلك انها احسن منك

تجاهليها

اتعاملى معاها بمنظور الصداقة …. تقبلي الكلام

ناقشيها حاوريها فهميها انك بتضايقي من كذا او كذا

واعرفي وجهة نظرها … اكيد هتقل المشاكل

ركزي في مذاكرتك لان دى الاهم

( اتعودي تحددي اولويات حياتك والمذاكرة دلوقتى هي اهم خطوة فى عمرك )

خططي لهدفك و رتبي وقتك ونظمي نفسك

قوى علاقتك بالله سبحانه وتعالي

وقربي منه جدااااا بعبادته وطاعته وقرأتك للقرآن

واعرفي انك فى المرحله العمرية ال انتى فيها طبيعي المزاج المتقلب

احترمي اهلك وخلي في وقت للمناقشة والجلوس معاهم

لتقريب المسافات وتحسي باندماج ودفي عائلي ويكون  في استقرار لشخصيتك

ونمي هوايتك ( متخلش كل وقتك كلام مع صحبتك او عن صحبتك وبس )

أخبار ذات صلة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©