الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

عصبي ومخنوق

عصبي ومخنوق

لما تكون عصبي جدا ومش مستحمل نفسك  … مخنوق ومضايق ومش طاااايق روحك
اعد مبوووز ومش بتكلم حد …. كله حوليك ومش حاسس بحد
عايش جوا نفسك ومفيش ف الدنيا غيرك شداك دواااامة الهموم وبتقول ازاى افوق ؟؟؟

الحالة دى بتمر بكتير غيرك … بس !!!!! انت وحظك ياتستتسلم لحالك
ياتفوق وتشوف حياتك … هتقولى ازاى والكلام سهل والفعل صعب
هقولك الحل …..
اولا : تقوم تاخد شوووور متين وانت المياه بتنزل ع دماغك كأنها بتمسح كل همومك انوى ان لو فيه ذنوب عملتها تكون ده الاغتسال منها وانها هتنزل مع المية نزل كل القلق والاكتئاب والحياة ال انت فيها

خلاص فوقت وحسيت انك فررريش … ايوة انا عارفة الاحساس ده
قوم بقا كدة زى الشاطر اتوضى وصلي ركعتين … ركعتين بس اسجد بين يدي الله اشكيله احكيله ايه ال فيك … قوله كل ال جواك
فضفض هترتاح .. والله مافيش احساس ف الدنيا يساوي الاحساس ده …

حسيت براحة وهدوء صح … انا متأكدة انك بئيت احسن …. تعالي بقا ورايا
بس متنساش تجيب ورقة وقلم …. هنكتب مع بعض ايه ال مضايقك بالظبط
1 , 2 , 3 , 4 ……….. الخ .. ان شا الله 100000 المهم اعد واكتب وكل ماهتكتب هتخرج الطاقة السلبية من جواك لانك حليت نص مشكلتك بكتابه سببها والنص تاني بقاااا انك تسعي علي خطوات حلها
تمااااااااااام اوى كدة اتكتبوا 1 , 2 , 3 ….. خطوة خطوة حدد ايه هتكون اولوياتك الفترة الجايا
اكتبها ف ورقة تانية مثلا ( هحافظ ع صلاتي … هقرأ ورد قرآن … هحفظ كلمات لغة جديدة …. هواظب ع صدقة معينة … هتعامل مع الناي بطريقة احسن … هقرأ كتاب جديد … هحضر ندوة او كورس … الخ )

هتعامل مع الناس بطريقة احسن !!!!!!
الابتسامة … احلي كبسولة تفائل ليك قبل ماتكون للحوليك …:) 🙂

التحية … طول ماانت ماشي السلام عليكم ,,, ايه اخباركم
الاهتمام … حسس الناس باهتمامك ليهم بمشكلهم بهمومهم قبل فرحتهم
الامل … لو قابلت حد وشايل طاجن سته ع راسه 🙂 حاول تمده بالامل خليك مصدر التفائل ليهم بلاش تزود الطين بلة
التحكم ف اعصابك … اكيد اخنا مش ملايكة فينا المختلفين معانا وفينا ال شبهنا

عرفنا هنتعامل ازاى مع الناس ولاد الحلال ال شبهنا … طيب المختلفين عننا هنعملهم ازاى 🙂
نفس الخطوات من غير تغير بس زوووود الثبات الانفعالي بتاع حضرتك امسك اعصابك
ايوووووووة امسكها ووقفها جنبك ومتخلهاش تهرب منك احسن اعصابك لو تاهت مش هنعرف نرجعهالك وهتوه ورااااها وش

اممممم طب وبعدين هنعمل ايه تانى ؟؟؟؟
الخطوة الاخيرة انك لما تتعصب غير مكانك غير وضع جسمك , اتوضا , صلي , اقرأ ايات قرآنية , اسجد , كلم حد بتحبه اوى ممكن يهديك , امشى ع نجيلة خضرا , اتنفس بعمق جدااااااااااااااااااا خلي الهوا يدخل ياخد كل العصبية ويخرج بيها تانى
ابتسم … واقبض ع ايدك جاااامد مع هدوء ثوانى وفكر بسرعه ف ردود وتصرفات عاقلة
بلاش تسرع بلاش تسرع بلاش تسررررع
ومع بعض ف ازاى اكون نفسي بحاجة جديدة 🙂
كان معكم سارة حسين 🙂

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©