مقدرش اعيش من غيرك
دايما بنسمع الكلمة دي او بنقولها وهي في الحقيقة

ملهاش اي اساس من الصحة مجرد كلام بيتقال سمعناه ف الميديا او اتعودنا اننا نقوله تعبيرا وامتنانا

لشخص بنحبه لدرجة اننا بنلغي وجودنا في عدم وجوده
الكلمة دي تأثيرها النفسي سلبي جدا علي الطرفين
الطرف ال بيتقله الكلمة دي بياخد مقلب في نفسه وبيحس انه خلاص امتلكك

ومفيش اى محاولات لارضاءك ونقطة الغموض والفضول ومحاول القرب عشان ينول منك عاطفة

او كلمة كويسة بتتمحي
الطرف ال بيقول كدة بيمحي شخصيته واهميته اذا كان بالنسبة للطرف الاول

او اهميته هو كشخص عام ليه هدف ورسالة وسبب لوجوده في الحياة

بيبني وجوده وبيخلي محوره هو الشخص ال بيحبه بس وده تأثيره النفسي صعب جدا
لان لو حصل اي سبب ما او عدر بشري او كارثة طبيعية او موت فراق مشاكل
بيحصله انه برمج دماغه ميقدرش يعيش من غير الشخص ده فبالتالي

بيدخل في مرحلة اكتئاب لان السبب الاساسى والمحور الرئيسي

ال كان عايش ليه اختفي من حياته
بتكون النتيجة حزن شديد وفقدان لطعم الحياة ومش بيكون عاوز يعمل اي حاجة كأن حبيبه

ده كان البنزين او الماتور او الدينمو ال بيحركه منقدرش ننكر ان العاطفة

في حياة الانسان بتعمله اتزان نفسي

بس مش لدرجة عدم وجودها تعمل خلل طبيعي في كل محاور الحياة
حل المشكلة دي هو اختفاء كلمة

“مقدرش اعيش من غيرك ”

واستبدالها بكلمه اخري زي مثلا انت حاجة حلوة في حياتي