الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

هل تعلم ؟

  • مقالات
  • 26 أغسطس 2019
  • 3981181 مشاهدة
هل تعلم ؟

هل تعلم ؟
ان كل بنت استرونج هي اضعف مما تتخيل

ان كل صورة حلوة اوي ظاهرة قصادك وراها تعب والالام كتير

هل تعلم ؟
ان كل واحد فينا جواه صندوق اسود مليان خوف ووساوس وتوتر وقلق وشبح وبعبع ومقفل عليه وبيبيلك اقوي واحسن ماعنده فاارحموا بعض عشان محدش ناقص وفيه اللي مكفيه

هل تعلم ؟
ان مهما كبرنا بنفضل صغيرين واطفال وبنحتاج للحضن بزيادة وللاهتمام اكتر وبنشتاق للعب والضحك والجري وللشنطة من الحلويات ومسكة ايد حد يحبنا

هل تعلم ؟
اننا كل مابننجح وبنحقق جزء من احلامنا بيكون اصعب من عدم تحقيقه لانه مطالب منك المحافظة عليه والاستمراية فيه

هل تعلم ؟
اننا جميعا جميعا بدون استنثناء بنحب اللي بيضحك في وشنا ويوقولنا كلمة حلوة ويندهلنا بااسمينا ويقدملنا هدية ولو بسيطة فمن من غير اساءة ادب اضحك ف وش اللي قدامك ولو مش هتقول كلمة حلوة متتكلمش

هل تعلم ؟
ان القلب بيتكسر لو حبيبك سابك ويعتبر بتتعالج من الادمان ويعتبر اصعب مراحل ممكن تمر بيها هي انفصالك من شخص بتحبه

هل تعلم ؟
اننا جميعا بنبان كويسين واقويا وزي الفل ماشي الحل ومع اصغر موقف ننهار بكي وعاوزين حد نداري فيه وحضن يلم الوجع اللي بعترنا

واخيرا ياريت تعلم اننا كلنا بشر ولينا نقط ضعف ونقط قوة وسلبيات وايجابيات وحسنات وسيئات يعني لا تحكم ع حد من غير ماتعرفوا كويس او تعرف ظروفو
وياريت نتقبل بعض ونلتمس اعذار كتير عشان نقدر نعيش

#سارة_حسين

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©