الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

يأس وامل

يأس وامل

حسيت باليأس … والا ماليك البأس … حاسس بضلمة ومفيش في حياتك نور …

وقت وساعات وايام وليالي بيعدو … مفيش انجاز حققته والا حاجة مفيدة عملتها في حياتك

ركز معايا شوية … انت طبيعي جداااا !!! ايوة طبيعي

احنا كلنا كبشر بنمر بالفترة دي … بس اوعي تستسلم اوعي تصدق شيطانك ,, لان ده الشيطان … مش انا ال بقول كدة

ده كلام الله عز وجل في كتابه العزيز (الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء)

يعني استسلامك من الشيطان ويأسك مش صح لان رحمة الله حواليك في كل حاجة (وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ )

روح الله … دايما حط الاية دي قصاد عينك

#اؤمن بالله وبقدرته ورحمته

#اؤمن بنفسك واعرف انك بني آدم خطاء .. ايوة بتغلط بس

(كل بن آدم خطاء وخير الخطائين التوابون) حديث شريف

#المس عيوبك واعرف ذنوبك … اعرف ليه بتعملها وايه ال خلاك كدة

استغفر الله بعد ماتتاكد من كل حاجة جواك تعباك اذا كانت صفة او ذنب

الاستغفار هيزود طاقتك الايجابية

(وَاللّهُ يَعِدُكُم مَّغْفِرَةً مِّنْهُ وَفَضْلاً وَاللّهُ وَاسِعٌ عَلِيمٌ )

هتتخلص من اكتئابك … عشان تستقبل افكارك الجديدة

وتعرف انت عاو زايه بالظبط (اتنفس كويس ,,شهيق … زفير )

عشان العقل بيتغذى علي الاكسجين (غذي عقلك … هتعرف نفسك )

هات ورقة وقلم واكتب شخبط ارسم المهم تكتب

وغمض عيونك اتخيل نفسك ( نفسك تكون ايه … شايف نفسك ازاى … شايفها فين … ايه ال تستحقه .. ايه ال ممكن تعمله وحاسس نفسك فيه )

اتخيل … اتخيل … اتنفس … اتخيل

هتوصل للنقطة المطلوبة

خلاص وصلت

اكتب بقااااا ( # نفسك تكون ايه ؟؟

#هتحققه ازاى

#طور نفسك _ ابتدي _ متقفش في محطة اليأس والاحباط

فيه محطات كتير ممكن تمر بيها وتعشها

#عيش_حياتك_صح … انك تكون نفسك صح

بلاش تظلم نفسك معاك وتعيشها حياة مش حياتها

الاول دور عليها واعرفها صح

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©