الإدارهأ/ ساره حسين
نبذه بسيطهإستشارى تربوى وأسرى وتعديل سلوك بتساعد البنات على زيادة وعيهم وإدراكهم وثقتهم بنفسهم لتحسين علاقتهم على مستوى الأسره والعمل عن طريق تحليل الشخصيه وجلسات الكوتشينج وتطوير الذات

يوم المرأة العالمي

يوم المرأة العالمي

صباح الخير علي كل امرأة
علي كل بنت كانت مرتبطة او مخطوبة او متزوجة او حتي منفصلة

صباح الخير علي كل ست تعبت وشقيت علي اولادها سواء زوجها متوفي والا طلقها والا قاعد في البيت مابيعملش حاجة غير انه بينكد عليها

صباح الحب علي كل بنت اتحرمت من كل حاجة في بيت باباها للكلمة المشهورة ” لما تتجوزى اعملي اللي انتي عاوزاه” وحياتها واقفة او مكملة في طموحها وشغلها وحياتها من غير راجل

صباح الأمل علي كل بنت لسة متجوزة جديد ومكملتش حاجة وراحت لبيت اهلها لا محصلة متجوزة والا لسة بنوتة وحياتها واقفة علي تصرف راجل انه يصالحها ويرجعلها كرامتها او انه يطلقها وتبتدي حياة جديدة بكسرة جواها وفرحة مكملتش

صباح السعي علي كل ست عندها اولاد وراجل مابيشتغلش وقاعد ف البيت وبتنزل تشوف اي شغل عشان تربي اولادها او بيشتغل وطالع عينها في كل حاج ة ومفيش حتي كلمة حلوة ليها

صباح التفاؤل لكل ست جوزها عايش معاها زومبي في تليفونه او شغله وبس والا حاسس انه فيه كائن تاني عايش معاه وهنا يطلق عليها متجوزة ومش متجوزة

صباح المسؤلية علي كل ست جوزها بيهرب ومابيوجهش اى مسؤلية تحصل في البيت وهي ال تشيل وتتصرف برجولة وحكمة عشان المشاكل تعدي

صباح اروع لكل ست جوزها ساندها ومعاها وبيشجعها في كل خطوة او اهلها في كتفها ومدينها كل الثقة

صباح اجمل لكل مطلقة عايشة في مجتمع متعفن ومعاها اولاد وبتسعي انها تعيش لاولادها ومحدش راحمها

صباح الطموح علي كل بنت محددة هدفها وعارفة كويس هي عاوزة ايه ومكملة فيه

الست المصرية اقوي امرأة في العالم
بتستحمل ضغوط الحياة الاقتصادية وتساعد وتشيل عن الراجل وتربي وترضع وتغير وتنضف وتذاكر وتودي الدروس وترجع للغسيل والهدوم والمشاكل والهموم
والراجل علي اد شغله ويرجع مش مستحمل كلمة حتى مساعدة ليها مابيحولش ويقول كلمته المشهورة ” ليه وانتي لزمتك ايه “!
المفروض عليها تفهم سيكولوجيته وتركيبته وكيميته ومزاجه والخلطة بتاعته عشان المركب تمشي ولو معرفتش حاجة واحدة من د ول يجري يدور علي غيرها

مش بهاجم الرجل ابسلوتلي بس بقول ان الست دلوقتي اصبحت “سوبر مان ” ورجاءا وليس امرا ايها الرجل حاول محاولة بسيطة وزود المحاولة كل مرة انك تشيل معاها حتى لو بضمه وطبطبة وحضن وتقولها عارف انك بتتعبي هتهون عليها كل حاجة
المرأة كائن عاطفي جدا حتى لو نكدية فمن كتر الضغوط بتعبر عن احساسها بالكلام اسمعلها وبس وهون عليها بنظرة حب

ذكرت المرأة ومعاها الراجل لان الاتنين مكملين بعض

#اليوم_العالمى_للمرأة

أخبار ذات صلة

شارك برأيك وأضف تعليق

الأكثر قراءة

تابعنى على تويتر

جميع الحقوق محفوظه لموقع ساره حسين 2020 ©