بنلف في دواير

حياتنا شبه الدواير كل فترة فيها حد معين

شغل معين اصحاب او ناس حواليك معينين

بنلف ف دايرة اهتماهم حبهم عيوبهم مميزاتهم سيرتهم بنتشبع بيهم

لدرجة انهم بيكونوا مركز حياتنا بيتوقف عليهم حجات كتير

منها اختيارات مصيرية في حياتنا سفر شغل طموح قرارات …… الخ

لدرجة اننا ممكن نخسر حاجات كتير علشان نكسبهم بس!!!

وبنكسبهم فعلا ؟؟؟ معظم الاوقات لا

بنخسر نفسنا افكارنا ابداعنا احلامنا طموحنا بنخسر كينونتنا

لاننا ببساطة بنلغي نفسنا عشان نبني حد جوانا بندور علينا ف ال بنحبهم

مش لاقينا اصلا من البداية

يعني ايه الكلام ده ؟؟!!

يعني لو انت برج كبير وبااساس قوي وعواميد وادوار كتير

وشقق مبنية صعب ان حد يهدك ويبني مكانك حاجة ولو اتهديت هتحتاج كتيييير اوى عشان تتهد      

لكن لو مجرد بيت صغير من غير عواميد او اساس هتتلغي بسهولة بدون اى اثار

عواميدك واساسك هى مبادئك وقيمك واخلاقك

احلامك وطموحك وافكارك

حدد وابنى واعرف انت عاوز ايه … ومش معني انك تحب حد انك تلغي نفسك

عشانه ال هيجي حياتك هيضيف ليها ويكملها ويزودها مش يلغيها ويمحيها ويدمر كينونتها

كن انت