_ ماذا لو كنت مكاني ؟

طيب ليه افترض انك تكون مكاني … خليني انا الاول مكاني

_يعني ايه الكلام ده ؟!

_يعني مين مكان مين مدوخناش ياعم

هو انت فعلا مالي مكانك ؟ يعني فعلا عايش حالتك ومشاعرك وافكارك؟

هل فعلا عايش حلمك وبتقاوم عشان توصل ؟

هل فعلا متصالح علي نفسك ولا خناق وصراع طول الوقت لدرجة انك بتعيش احلام ومشاعر واحلام ناس تانيين؟

فهمت بقا ياسيدي يعني ايه خليني الاول مكاني

بسهولة جدا ولدرجة السهل الممتنع

كتير بنعيش غيرنا ونموت واحنا معشناش نفسنا وده لمليون سبب

_طيب نعمل ايه دلوقت ؟؟!!

ياريت تسأل لنفسك السؤال ده وبمنتهي الصراحة والتصالح الذاتي وتقول

انا في مكاني ولا قاعد في اماكن غيري

#ياريت_نلتزم_مكانا

#نظرة_عميقة_لجوة

#فك_العقد_واتخلص_من_الكراكيب