النهاردة رحنا مستشفي السويس العام وبجد كان يوم حلو جداااا الدعوة كانت من استاذ غريب مقلد وشباب

مميز جدا نشط بيحب الخير ( بمناسبة عيد الام … والابن البار بالام المحتاجة لاولادها بعد كبرها )

وكان فيه ورد كتير ووزعنا ورد علي المرضي اول دور كان حلو وكل حد حواليه ناس كتير ابن او ابنه او مرات ابنها …. الخ
حسينا ان الدنيا لسة بخير وكله حوالين اهلهم ….
احساس بالسعادة ميتقدرش …. احساس رائــــع انك ف وسط ناس وبتقدملهم ولو حاجة بسيطة وبتسعدهم

الدور التاني الحالات اصعب والناس ااقل  … كان فيه واحدة عمية ومالهاش اولاد صعبت عليا  وكان نفسي احضنها وابوس راسها وايديها واقولها متزعليش اكيد ربنا معوض عليكي بحاجات تانية  وربنا يعينك ويقويكي

وواحدة تانية مالهاش حد خاااالص الست كريمة  ست اول مادخلت خطفت قلبي رحت عليها وسلمت وقولتلها كل سنة وانتى طيبة ياست الكل  وبوستها ف خدها وجبينها وسالتها مين معاكي قالتلى معيش حد انا لوحدى :/ ابنى غلبان بياخد معاش 240 ج هيعملوا ايه والا حاجة … عنية دمعت  وصعبت عليا اوى لدرجة انى مقدرتش اعمل حاجة بس ببصلها مبتسمة وحزينة  ف نفس الوقت

خطفت قلبي <3 ومشيت من غيره حبيتها بعدد كل خط في وشها حبيتها بقدر طبيتها ودعائها حسيت بحنيتها اوووووى ربنا يفك كربها .

كــــــــــان يوم رائع ومن اروع المبادرات والاشخاص ال قبلتهم في حياتي
بشكركم جدا علي الدعوة واتمني انكم تدعونى في كل حاجة خيرية زى دى لانها بجد متتعوضش

غريب ربيع مقلد Ghareb Rabee Mkled Hossam Hosni Mostafa Mousa Ahmed Toma وعذراً للباقي الاشخاص ال اتشرفت جدا بمعرفتهم جدااااااااااااااااااااااااااااااااا بس مذكرتش اسمائهم جهلاً مني في مبادرة الابن البار