انا كانت اول حاجه بتشدنى فى اى واحده الطموح باختصار انا اتعرفت على بنت وللوهله الاولى بهرتنى
شفت فيها النجاح والطموح رغم صغر سنها معاها ماجستير وبتكمل دكتوراه
ومجتهده فى عملها المهم اتقدمتلها وتم الزواج
بس بعد كده الصوره اتغيرت ملقيتش فيها اللى كنت بتمناه اه هيا بتحبنى وكل حاجه
بس انا بسال ايه دلوقتى اللى يفرقها عن غيرها كان نفسى صورتها متتغيرش

انا مش عايز اظلمها بس بجد الموضوع ده فارق معايا لانى انسان بيحب الطموح والنجاح بجد مش عارف اعمل ايه ؟؟؟

اولا // الطموح صفة رائعة في الانسان ومطلوبة بدرجة كبيرة جداااا عشان نقدر نطور من نفسنا ونعيش احسن

ونكون زى مااربنا خلقنا بنعبده وبنعمر الكون بطموحنا وحياتنا واصرارنا ع النجاح والعمل

ثانيا// المرأة اولي احتياجاتها دائما بتكون عاطفية ( الاهتمام والحب والامان وتلبية احتياجاتها وطلباتها

لما كانت بنوتة انشغلت بدراستها وعملها وطموحها

بعد الارتباط تم اشباع اولي احتياجاتها فقل الاحتياج العقلي لها وهو الطموح وانشغلت بالاسرة والطفل والزوج

مفيش دافع قوي يجعلها تستمر في الطموح ال كانت ماشية عليه قبل الارتباط
عشان كدة لازم تلتمس ليها الاعذار وتحاول تمدها بالتشجيع والكلمات المحفزة دائما عشان تكمل في طريقها

وابتعد عن الاحباط وانها مبئتش بتعمل اى حاجة

الاحتواء والاهتمام والامان مع التشجيع ستكون كما تريد ان شاء الله

ثالثا // حاول تحبها لشخصها مش لشىء فيها لو حبينا ال حوالينا عشان حاجة معينة مجرد ماهتروح مش هنقدر نحبهم

لكن لو حبيناهم بعيوبهم ومميزاتهم حبناهم لشخصهم مش هيجي يوم نقول بطلنا نحبهم