محاولة ارضاء اللي حواليك علي حساب نفسك

تكبر وتعدي وتحاول تشوف ايه اللي ينفع وتعمله مش ليك لأ

عشان تحافظ علي اللي قصادك

تغير من نفسك مليون مرة مش عشان شايف انك غلطان لأ عشان اللي معاك ميطلعكش غلطان

بتدور دايما علي اللي بيشتكي منه ومتكررهاش

تحسسه بكل سبل الامان

وتركز وتشوف وتحاول وتيجي علي كرامتك ملي ون مرة

بس في الاخر بتقابل نفس المشكلة

انك تتساب وتبقي لوحدك لا محاولات انك تفضل ولا تبقي ولا تكون شيء غالي

تتساب وبس

وترجع تواجه نفسك بكل لحظة حصلت

ليه ؟

ليه بعد كل اللي بتقدمه واللي بتقدر تعمله في الاخر تتساب يامن نفس الشخص او من اشخاص بتتعامل معاهم بنفس الاسلوب

المشكلة  مش ف الشخص المشكلة عندك انت

ايوة عندك متستغربش

لانك ضحيت وعودت اللي قصادك علي ده فااصبح حق مكتسب

خلي عندك كرامة وبلاش تقلل من نفسك

بلاش اللي يقولك مش عاوزك تلتمسله مليون عذر ومع اول اشتياق تجري عليه

خلي قصاد عينك دايما انك غالي

وتستحق اللي يكون عاوزك يخاف ع مشاعرك وقبل ماينطق الكلمة يفكر الف مرة هتزعلك ولا لا

خلي قصاد عينك اللي يكون في حياتك يخاف انه يخسرك لانك لو كل مرة بترجع وكأن حاجة محصلتش بتعود علي اهانتك ماانت كدة كدة هتيجي يومين تلاتة وهتتصل شهر وهتبعت رسالة

خلي قصاد عينك انك لو هونت عليهم يبقي نفسك متهنش عليك

لو حبيت نفسك وغليتها ومهنتش عليك هتكون غالي وهتتحب وم هتهون علي اللي قصادك